Aznewstv BBC-yə istinadən xəbər verir ki, hökumətin maliyyələşməsini noyabrın 17-nə qədər saxlayan, lakin Ukraynaya yeni yardımı nəzərdə tutmayan qanun layihəsi Senatda 9 əleyhinə 88 səslə təsdiqlənib.
Prezident Co Bayden qanun layihəsini son tarixdən bir neçə dəqiqə əvvəl imzalayıb.
Təklifi Respublikaçılar Palatasının spikeri Kevin Makkarti irəli sürüb.
On minlərlə federal işçini ödənişsiz məzuniyyətə buraxacaq və müxtəlif dövlət xidmətlərini dayandıracaq sənədin bazar günü yerli vaxtla 00.00-da icrası planlaşdırılırdı.
Lakin şənbə günü günortadan sonra Nümayəndələr Palatasının respublikaçı üzvləri hökumətin xərclərin səviyyəsində böyük güzəştlər etmədən noyabrın ortalarına qədər açıq qalmasına imkan verəcək fasiləsiz maliyyələşdirmə tədbirini qəbul etməyə çalışdılar.
Respublikaçılardan daha çox demokratlar bu sənədi dəstəkləyib, 90-a yaxın respublikaçı isə əleyhinə səs verib.
Bununla belə, əksər qanunvericilər fəaliyyəti dayandırmağın qarşısını almağa çalışdığından, fraksiyanın əsas tələblərindən biri – ABŞ-ın Ukraynanın müdafiəsi üçün maliyyələşdirməsini dayandırması qanun layihəsində öz əksini tapıb.
Senatda səsvermədən qısa müddət sonra yayımlanan bəyanatda ABŞ Prezidenti Co Bayden respublikaçıların böhran yaratmağa çalışdıqlarını bildirib və spiker MakKartini gecikmədən Ukrayna üçün əlavə maliyyələşdirməyə icazə verməyə çağırıb.
ABŞ-da işin dayandırılması Konqresin hər iki palatası hər maliyyə ilinin oktyabrın 1-dən əvvəl təsdiq etməli olduqları federal xərclərin təxminən 30%-i ilə bağlı razılığa gələ bilmədikdə baş verir.
