Siyasi məhbusların sürgün edilməsinə etiraz əlaməti olaraq Birləşmiş Millətlər Təşkilatının İranda İnsan Haqları üzrə özəl raporçusu Cavid Rəhmana məktub göndərilib. Vəkil və Nobel barış ödülünün sahibi Şirin Ebadinin başçılıq etdiyi İran İnsan Haqları Müdafiəçiləri Dərnəyi məktubda məhbusların başqa şəhərlərə göndərilməsini sərt tənqid edib. Eləcə də hakimiyyətə qarşı siyasi məhbusların aclıq eetisabı keçirmələrinə dəstək verilib. Dərnək üzvləri siyasi məhbusların sürgün edilməsinin Cəza Qanununun 513-cü maddəsinin şərtlərinə zidd olduğunu vurğulayıblar. Onlar aidiyyəti üzrə beynəlmiləl təşkilat nümayəndəsindən bu yöntəmin təkrarlanmaması və məhkumların öncəki yerlərinə qayıtması üçün gərəkli tədbirlərin görülməsini tələb ediblər.
