Azərbaycanlı milli-mədəni fəal Riza Vasiqi məhkumluğunu keçirmək üçün tutuqlanaraq Ərdəbilin Zindanına aparılıb. Belə ki, o, 1399-cu ilin abanın 14-də Hökmlərin İcrası Şöbəsinə müraciət edərək tutuqlanıb və ona qarşı çıxarılmış hökmün icrası üçün Ərdəbilin Zindanına təhvil verilib.
Qeyd edək ki, Riza Vasiqi bundan öncə qardaşı Əli Vasiqi ilə birgə qazı Məhdəvi Radın hakimliyi ilə Ərdəbilin İnqilab Məhkəməsi 1-ci Şöbəsi tərəfindən tutuqlanıb. Onlar “elamiyyə çap etmək yolu ilə ölkənin milli əmniyyətinə qarşı cürm törətməkdə əlbir olub müşarikət etmək” və “nizama qarşı təbliğ fəaliyyəti” ittihamları ilə müvafiq olaraq 2 və 3 ilədək həbsə məhkum ediliblər.
Vasiqi qardaşları xurdadın 21-i Ərdəbildə öz iş yerlərində məmurlar tərəfindən fiziki zorakılığa məruz qalıblar və məhkəmə hökmü göstərilmədən tutuqlanıblar.
Xurdadın 27-də fəalların hər biri 110 milyon tümənlik vəsiqə qoyulma qərarı ilə pərvəndələrinə baxılması mərhələləri sona çatanadək müvəqqəti azadlığa buraxılıb.
