ABŞ-ın hazırkı Prezidenti Donald Tramp bazar ertəsi Vaşinqton administrasiyasının başçısı vəzifəsində vida videomüraciətini yazıb.
Məlumatı CNN telekanalı yayıb.
Telekanalın məlumatına görə, videoyazı çərşənbə axşamı elan oluna bilər, hərçənd son müddət hələ müəyyən edilməyib. Qeyd edilir ki, Tramp çıxışında onun fikrincə, prezident postunda nailiyyətlərin ən əhəmiyyətlilərini sadalayacaq. Həmçinin müraciətində yeni administrasiya xatırlanır, ancaq seçilmiş prezident Co Baydenin komandası haqqında fikrin konteksti dəqiqləşmir.
“Report” xatırladır ki, Co Baydenin və ABŞ-ın vitse-prezidenti seçilmiş Kamala Harrisin inauqurasiyası yanvarın 20-ə nəzərdə tutulub.
