“İranın atom silahı əldə etməsi Yaxın Doğunu təhdid edir”. Bunu fevriyənin 1-də “Əl-Qəd Tv”yə müsahibəsi zamanı İsrailin Difa vəziri Beni Qantz deyib. O, İran təhdidindən, bu rejimin başçılığı ilə bölgədə qeyri-sabitliyə səbəb olan terror əməliyyatlarından söz açıb. Bu açıqlamalarla yanaşı İsrailin “Kanal 13” televizyonu ölkənin “Mossad” qurumunun başçısı Yossi Kohenin gələn ay Amerikaya səfər edəcəyini bildirib. Kohenin Amerikanın İranla atom anlaşmasına qayıtması ehtimalı ilə bağlı müzakirələr aparacağı, habelə İsrailin nigaranlığını Ağ Ev məqamlarının diqqətinə çatdıracağı deyilir. Eləcə də Amerikanın yeni prezidenti Co Baydenlə də görüşəcəyi barədə məlumatlar var. İsrail mətbuatında yer alan xəbərlərə görə, Kohen ölkəsinin əmniyət servisi tərəfindən İranın atom proqramının irəliləməsi ilə bağlı toplanılan bilgiləri Bayden dövlətinə təqdim edəcək.
