İsrailin Baş baxanı Naftali Bennet 2 gün sonra Amerika prezidenti Co Bayden ilə görüşündə ona İranın atom proqramı və bölgəsəl fəaliyyəti ilə bağlı atom razılaşmasına qayıtmağı nəzərdə tutmayan strateji önərəcək. Bu haqda mətbuata adının açıqlanmasını istəməyən israilli diplomat bilgi verib. Onun sözlərinə görə, Bennet və Bayden əsasən İran məsələsini müzakirə edəcəklər. “Biz səfərə proqram hazırlamağa başlayanda Amerikanın atom razılaşmasına yenidən qayıtması qəti görünürdü. O vaxtdan çox şeylər, eləcə də İran prezidenti dəyişib və heç nə öncəki kimi qəti deyil. Amerikanın atom razılaşmasına geri dönməsi mümkün olmaya bilər”, – deyə diplomat artırıb. Bundan başqa, Bennet Baydenlə atom razılaşması çərçivəsində İranın atom fəaliyyətlərinə nəzarət etməyin mümkün olmayacağı və bu anlaşmaya qayıtmağın mənasız olacağı barədə müzakirələr aparacaq.
