İran Molla rejimi xanım fəala ailəsi ilə görüşə və telefon əlaqəsinə qadağa qoyub.
Bunun azərbaycanlı fəalın zindanda məhbuslara edilən basqılara etiraz etməsindən sonra baş verdiyi bildirilib.
Qeyd edək ki, Armita Pavir sonüncü dəfə 21 sentyabr 2023-cü il tarixdə tutulub, ” İran rəhbərini təhqir etmək və dövlət quruluşuna qarşı təbliğat aparmaq” ittihamına görə 22 ay 17 gün azadlıqdan məhrum edilib.
O, barəsində çıxarılan hökmü ədalətsiz adlandırıb və buna etiraz olaraq həbsxanada bir neçə dəfə aclıq aksiyası keçirib.
Armita Pavir Təbrizin “Şəhid Mədəni” Universitetinin molekulyar hüceyrə biologiyası fakültəsinin tələbəsi olub. O, 2022-ci ildə İran rejiminə qarşı xalq etirazlarının ildönümünə üç gün qalmış həbs edilib.
Psixoloji işgəncələr və ağır məhdudiyyətlər altında həbsdə olan Armita Pavir daha öncə göyərtəsində 176 sərnişin olan Ukrayna sərnişin təyyarəsinin 2020-ci il yanvarın 3-də Tehran səmasında Sepah tərəfindən raketlə vurulmasına etiraz etdiyinə görə bir il müddətinə təhsildən məhrum edilmişdi.
