Niceriyanın batısındakı Kaqara şəhərində silahlı şəxslər kollecə hücum edib. Olay zamanı azı bir şagird həyatını itirib, bir neçə nəfər isə yaralanıb. Silahlılar yüzlərlə şagird və müəllimi girov götürüb. Qeyd olunur ki, hücum gecə saatlarında kollecin yataqxanasında baş verib. Bir neçə şagirdin olay yerindən qaça bildiyi deyilir. Niceriya prezidenti Məhəmməd Buxari şagirdlərin azad edilməsi üçün əməliyyata başlamağı əmr edib.
