Azərbaycanlı fəalın ailəsinə yaxın olan məlumatlı mənbə bu xəbəri təsdiqləyərək dedi: “Cənab Əzimi Qədimin hansı xəstəxanaya aparıldığı və bu fəalın fiziki vəziyyətinin necə olduğu bəlli deyil”. Bu isə ailənin və qohumların narahatlığına səbəb olub.
Mənbə əlavə edib ki, cənab Əzimi Qədim aclıq aksiyasından sonra təxminən 20 kilo arıqlayıb və təzyiqi aşağı olduğu üçün dəfələrlə həbsxananın klinikasına köçürülüb və dərman qəbul etməkdən imtina edib.
Eyni zamanda azərbaycanlı fəal Ayaz seyfxah da zindanda aclıq aksiyası keçirir.
Qeyd edək ki, fevralın 5-i və 7-i, 2024-cü ildə Azərbaycanın müxtəlif şəhərlərində, o cümlədən Tehran, Kərəc, Ərdəbil, Təbriz, Rəşt, Xiyav (Meşginşəhr), Urmu, İslamşəhr və Astarada 30-a yaxın türk fəal kəşfiyyat qüvvələri tərəfindən məhkəmə qərarı olmadan həbs edilib.
Həmin azərbaycanlı fəallar “daxili və xarici təhlükəsizliyə qarşı cinayətlər törətmək üçün toplaşmaq və sövdələşmək”, “İslam Respublikasına qarşı təbliğat” və “casusluq” ittihamları ilə mühakimə olunublar. Onlar Tehran İslam İnqilabı Məhkəməsinin hakimi Əbülqasim Sələvatinin qərarı ilə ağır həbs cəzaları alıblar.
