Azərbaycan Televiziyası isə 1956-cı ildən fəaliyyətə başlayıb.
Güney Azərbaycanda ilk radio stansiyasının əsası hələ 1946-cı ildə Azərbaycan Milli hökuməti tərəfindən qoyulmuşdur, ilk televiziya stansiyası isə 1972-ci ildə yaradılmışdır.
1980-ci ildə Azərbaycan radiosunun İran redaksiyasının bazasında müstəqil Güney Azərbaycan redaksiyası yaradılmışdır. Bu, güney azərbaycanlıların öz ana dillərini və milli-mənəvi dəyərlərini unutmamalarında və Quzey Azərbaycanla əlaqələrin güclənməsində təsirli rol oynamışdır.
Hazırda İranın ərazisində “Səhər Azəri” TV kanalından başqa, heç bir azərbaycandilli kanal fəaliyyət göstərmir. Kanal İranda yaşayan azərbaycanlılar və digər azərbaycandilli əhali üçün yaradılsa da, Azərbaycan Respublikasına qarşı əks-təbliğat xarakteri daşıyır.
“Səhər Azəri” TV Azərbaycan Prezidenti və xalqının ünvanına davamlı olaraq, hədyanlar yağdırır. “Səhər Azəri” Quzeydə yaşayan müxtəlif xalqların adlarından istifadə edərək, Azərbaycanın əleyhinə fəaliyyətini davam etdirir.
Molla rejimi unutmamalıdır ki, onun apardığı çirkli siyasət Güneydə və Quzeydə yaşayan soydaşlarımızı ayıra bilməz!
