ANT-nın BMT Təhlükəsizlik Şurasının yanvarın 25-də keçirilən iclasına istinadən verdiyi məlumata görə, bunu BMT baş katibinin müavini Rozmari DiKarlo deyib.
O xatırladıb ki, Rusiya hakimiyyətinin məlumatına görə, təyyarənin göyərtəsində 65 ukraynalı hərbi əsir, altı rusiyalı ekipaj üzvü və üç rusiyalı hərbçi olub. O, əlavə edib ki, Kiyevə görə, təyyarə Rusiya hərbi sistemi üçün raketlər daşımış ola bilər.
DiKarlo xatırladıb ki, Ukrayna hadisə ilə bağlı beynəlxalq araşdırmaya çağırıb.
BMT baş katibinin müavini deyib: “BMT bu xəbərləri və ya fəlakətin şərtlərini yoxlaya bilmir. Aydındır ki, insident Rusiyanın Ukraynaya müdaxiləsi və davam edən müharibə kontekstində baş verib”.
