Avropa Birliyi marsın 31-də insan haqlarını pozması səbəbilə bir neçə İran rəsmisini təhrim edəcək. Məsələ ilə bağlı “Reuters” ajansı üç avropalı diplomata istinadən məlumat verib. Diplomatların sözlərinə görə, təhrim ediləcək İran rəsmilərinin adları gələn həftə açıqlanacaq. Avropa Birliyi nümayəndələri sözügedən şəxslərə səfər qadağasının tətbiqi və hesablarının dondurulması ilə bağlı razılığa gəliblər. “Reuters” diplomatların məsələ ilə bağlı ətraflı bilgi vermədiyini yazıb. Avropa Birliyi də açıqlama verməkdən imtina edib. Qeyd edək ki, Avropa Birliyi 2011-ci ildən bəri 80-dən çox iranlını insan haqlarını pozduğuna görə təhrim edib. Bu təhrimlər hər il avril ayında yenilənir. “Reuters” həmin 80 nəfərə qarşı icra edilən təhrimlərin müddətinin də çərşənbə günü uzadılacağını xəbər verib.
Jannah Theme License is not validated, Go to the theme options page to validate the license, You need a single license for each domain name.
