Əfqanıstanın mərkəzindəki Vardak vilayətində Beynəlxalq Qırmızı Xaç Komitəsinin (BQXK) əməkdaşı naməlum şəxslər tərəfindən qaçırılıb.
Bu barədə “Ariana News” telekanalı BQXK-ya istinadən xəbər verib.
Məlumata görə, şənbə günü girov götürülən əməkdaşın sərbəst buraxılması üçün danışıqlar aparılır.
Qeyd edək ki, hələ ki, ölkədə fəaliyyət göstərən qrupların heç biri BQXK-nin nümayəndəsini qaçırdıqlarını elan etməyib.
