Qərbi Azərbaycan əyalətinin Qoşaçay (Miyandab) şəhərinin zindanında bundan öncə qətldə ittiham olunan məhkum edam edilib.
İnsan haqları təşkilatlarının dar ağacından asılan Nizaməli Mirzayi adlı məhum barədə məlumat yaymalarına baxmayaraq, İranın rəsmi dövlət qurumları onun edamı barədə bilgi verməyiblər.
Hər il İranda edam edilən yüzlərlə insan barədə məlumat ya çox ictimailəşdirilir yada ört-basdır edilir.
Təhlükəsizlik və məhkəmə orqanları edam edilənlərin yaxınlarına məsələni ictimailəşdirməmələrinə görə basqı göstərir, təhdid edir.
Bu səbəbdən beynəlxalq insan haqları təşkilatları İranda edamların sayının verilən rəsmi statistikadan daha çox olduğunu bildirir və barəsində məlumat verilməyən edamlara gizli edam adı veriblər.
