Həsən Rəzmilinin dediklərinə görə, o, «Balamın Adı» kampaniyasına danışıb: «Oğlumuz 2024-cü il 8 sentyabrda Təbrizdə doğuldu və biz ona «Arka» adını qoyduq. Arka, türkcədə «dəstəkçi və qoruyucu» deməkdir. Biz Təbrizdəki bütün Əhali Reyestri idarələrinə müraciət etdik, amma onlar dedilər ki, «Ad Seçim Sistemi»ndə bu ad olmadığı üçün şəxsiyyət vəsiqəsi verə bilməzlər. Biz onlara dedik ki, bu ad əvvəllər sistemdə vardı, amma sonra silinib, amma onlar heç nəyi eşitmədilər.
Məcbur olub, Təbrizdəki Lala filialından Əhali Reyestri İdarəsinə şikayət etdik və 5 aydan sonra, yanvar ayında, məhkəmə bizim xeyrimizə qərar verdi və Təbriz Əhali Reyestri İdarəsini «Arka» adı ilə şəxsiyyət vəsiqəsi verməyə məcbur etdi. Amma bu idarənin rəhbərləri, şəxsiyyət vəsiqəsi vermək əvəzinə, dedilər ki, hökmü Tehrana göndərməliyik, bəlkə onlar razılaşar və sistemi açıb, bizə qeydiyyat etməyə icazə verərlər. Bir neçə gündən sonra, Tehran məhkəməsinin hökmü qəbul etmədiyini iddia edərək, hökmdən etiraz etdilər və fayl apellyasiya məhkəməsinə göndərildi.
Nəhayət, apellyasiya məhkəməsi, ilkin məhkəmənin qərarına zidd olaraq, «Arka» adının «yad» olduğunu iddia edərək bizə qarşı qərar verdi. Amma biz təslim olmayacağıq və hüquqi mübarizə ilə bu ilkin haqqımızı yenidən müdafiə edəcəyik.
Təbriz Əhali Reyestri İdarəsi, 6 ay ərzində uşağımızı şəxsiyyət vəsiqəsiz saxlamaqla bizə çoxsaylı problemlər yaşatdı; uşağımıza peyvənd edilməsi ilə bağlı çətinliklər yaşadıq, körpəmiz sağlamlıq sığortasından istifadə edə bilmir, süd tozu payı ala bilmirik və səhiyyə mərkəzləri uşağımıza xidmət etməyəkdən imtina edirlər.»
Son illərdə, bir çox valideyn, Əhali Reyestri İdarəsinin türk adı ilə bağlı etirazlarından sonra məhkəməyə müraciət edərək şəxsiyyət vəsiqəsi almayı bacarıblar. Lakin son zamanlarda, Əhali Reyestri idarələri Tehrandan aldıqları əmrlə məhkəmənin qərarlarına əməl etməkdən imtina edir və məhkəməyə etiraz edirlər ki, bunun nəticəsində, valideynlər üçün şəxsiyyət vəsiqəsi alma prosesi daha uzun və baha başa gəlir.
