“Suri çərşənbə” söz birləşməsində olan “suri” sözü qırmızı deməkdir. İlaxır çərşənbədə keçirilən “Suri çərşənbə” mərasimində insanlar həyətlərdə, məhəllələrdə tonqal qalayırlar. Onlar tonqalın üzərindən atlanaraq: “Qada-bəlam oda tökülsün”,- deyirlər. İnanclara görə, insanlar tonqaldan atlanan zaman onların xəstəlikləri odun içərisində yanaraq yox olur. Adətən, şənlik axşamdan başlayaraq, səhərə qədər davam edir.
Qədim adətlərə görə, Cənubi Azərbaycanda bu gün “acil” hazırlayırlar. “Acil” qoz, fındıq və giləmeyvə qarışığından hazırlanır.
