Qurumun mayın 24-də yayılan illik hesabatında qeyd olunub ki, edamların artma səbəbi İranda ölüm hökmlərinin çoxalması ilə əlaqədardır. Ona görə ki, bu ölkədə 2021-ci ildə icra edilən edam hökmləri bütün dünyadakı ölüm hökmlərinin 54%-ni təşkil edib.
Hesabatda o da vurğulanıb ki, 2021-ci ildə dünyanın 18 müxtəlif ölkəsində ən azı 579 edam hökmü icra edilib ki, onun da ən azı 314-ü İranda qeydə alınıb.
Məlumatda sonda əlavə edilib ki, İranda gerçək edam sayının müxtəlif təşkilatlar tərəfindən araşdırılan bu rəqəmlərdən dəfələrlə çox olduğu ehtimal olunur.
Beynəlxalq Əfv Təşkilatının məlumatına görə, 2021-ci ildə İranda 246 edam faktı qeydə alındığı üçün bu əvvəlki illə müqayisədə əhəmiyyətli dərəcədə artıb və ümumilikdə 2017-ci ildən bəri yeni rekorda çatıb.
Qeyd edək ki, bu hesabat İran hökumətinin verdiyi rəsmi statistikaya əsaslanıb.
İnsan haqları təşkilatları İranda icra edilən edam saylarının rəsmi istatistikadan daha çox olduğunu yazırlar.
