«اوین برای ما زندان نیست»
به وضعیت مرتضی پروین جدا هنرمند و فعال حرکت ملی آزربایجان جنوبی محبوس در بند ۴ زندان اوین که وارد دومین سال از بازداشت خود شده است پرداخته و با نوشتن متنی مختصر نسبت به آنچه که در فضای بیرون از زندان بین فعالین و حواشی آن می گذرد پرداخته است.
عزیز و سئویملی یوْلداشیم «مرتضی پروین» له تانیشدیغیمیز گۆندن بری گۆجلۆ دانیشیقلاریمیز وار.
هر آن هر دقیقه سئچدیگیمیز میللی یوْلوموزو و میللی حرکتیمیزی ایزله‌ییریک.
پروین قارداشلاری هنر ساحه‌سینده دیَرلی و اینجه‌له‌نن ایشله‌ریله آرتیقراق تانیش اوْلموشام. بورادا «ائوین» اوْخویوروق یازیریق و الیمیزدن گلدییی قدر چالیشیریق. آرخامیزدا دؤزۆملۆ و گۆجلۆ عاییله‌لریمیز وارکن اوْنور دویوروق. آدلارا باغلانمادان بیرلیک ده چالیشانلارا و ایش بیرلیگی اؤنمسه‌ینلر ایسه منیمسه‌ینلره، اۆستۆنلۆک وئریب آرخالارینداییق.
آرامیزدا «من ایسه مرتضی» بیر گۆلمه‌جه یاراتمیشیق ائشیکده اوْلان بعضی آدلار:
«سس بی‌لر، های چی لار، توْی بی‌لر، شن بی‌لر» بیز توتوقلولاردان راضی دئییل لر سانکی، چۆنکۆ گؤره‌ولریمیزی بیلمیریک و بینمه‌دیییمیز بویروقلاری یئرینه یئتیرمیریک.
من ایکی ایلدیر و مرتضی بیر ایلدیر دوستاقداییق، آرامیزدا وار اولوشان دۆشۆنجه‌لریمیزی بو یازیدا پایلاشماق ایسته‌ییرم.
میللی حرکت اۇلۇ سؤیلنتی دیر. کؤکۆ توْپراقلاریمیزدا ایسه قوْل بوداقلاری بۆسبۆتۆن جغرافیامیزا سریلیب دیر. بئله‌جه هر باخیشی هر اینامی و اوْخولو اؤز کؤلگه سی آلتیندا یئرلشدیریر.
میللت دئییلن قاورام انتزاعی اوْلدو‌غونا رغمن ایکی گئرچک قاورامدان اولوشور:
توْپراق «جغرافیا» و کیملیک بو ایکی تمل دن سووای باشقا قاوراملاری دا: «تاریخ، اسطوره، جمعیت و…» آرتماق اوْلور.
آنجاق آنا دیره‌کلر بو ایکیسی دیر. توْپراق وطن دیر و اوْ جغرافیادا یاشایان کیمسه‌لر کیملیک لری وار.
آزربایجاندا و آزربایجان دیشیندا یاشایان هر آزربایجانلی بیلمه‌لیدیر، «آزربایجان میللی حرکتی» اوْنون تمثیل چی سیدیر. وطنینه و کیملییینه چالیشان هر اینسان میللتچی دیر. چالیشانلار بیرله‌شرک توْپلاشاراق هؤرگۆتله‌شیر.
هابئله شؤهرت «آد» شان، پول و وارلیق لار بیرئی اۆستۆندن گؤتۆرۆلۆر، هؤرگۆتلره آتانیر یعنی آزربایجان میللی حرکتینه جانلا ماللا چالیشقان بیرئی‌لر «قان» کیمی و هؤرگۆتلر «دامار» کیمی دیرلر.
آپ آچیغی بودور.
باشقا جغرافیادا یاشایان باشقا میللت لرله «لُر، بلوچ، عرب، کاسپی» ایش بیرلیگی داها گوجلندیرمه‌یی دۆشۆنۆرلر آدلار و شؤهرت آختاران لارین سؤز سوْراغی قیراغا قوْیولور قوْجا و یاشلی بیلگین لریمیزین داها چوْخ تجربه‌لری گرکسه‌نیر. دوستاقدا اوْلماق «کئچمیشده یوْخسا ایندیلیک ده» دیرلی دیر آنجاق. داییمی اعتیبار دئییل، پول و گۆج دیرلی دیر آنجاق فضیلت دئییل.
گنج لر ایچینده آیار و اؤلچۆ هؤرگۆتلرین آدی و سانیلا گؤرۆلن و گؤرۆنن ایشلر و ایمضالاردی. سس بی لر، شن بی لر، توْی بی لر و هایچی لار بیلمه‌لیدیرلر کی خیرداجا و آسلاق ایشلردن و دۆشۆنجه‌لردن ایراق اوْلمالیدیرلار.
یوْخسا میللی حرکت ده سادجه بیر باخیجییا چئوریله‌جکلر. اؤزلرینی اؤزک بیلنلر گره‌کیر اعتیبارلارینی هؤرگۆتلره و دوْلایی سیلا میللی حرکته باغیشلاسین لار. میللی حرکت کیمسه‌یه بوْرجلو دئییل میللت وریندن سئچیلن هر مئیدان بیزیم دیر. قاتیلساق پاییمیزی گؤتۆرمۆش اوْلوروق. بۆتۆن آذربایجانا چالیشان هر کس بیلیر کی بو دۆشۆنجه نین حددی سددی یۆخدور.
سوْن سؤز بودور:
حاق اۆستۆنده قورولان ایستکلریمیزین آردیندا آرخاسینداییق.
ائوین دوستاغی
قیش فصلی ۱۴۰۳
